Io
suttascritta Uccello Rosa, nascivi a Partinico (a data nun ci a mettu ca u
Nutaru ca leggi u tistamento pò pinsari ca
quannu scrissi stì cosi macari era vecchia e nun ci stava ca testa).
Chiddu
ca vogghiu diri è ca tutti hannu sempri vuluto a roba mia ma iu si prima nun
moru cu cabbasiso ca ci lassu na’ spingula a nuddu!
A
me maritu Asparino si quannu liggiti sta littra è ancora aggritta ci lassu lo
sofrutto ri tutta a roba mia ma cu l’oblico di vinirimi a mettere i ciuri
‘ncapo u tabuto picchì mancu quannu ni ficimu ziti ri dintra mi purtò mai na’
pampina, macari di basilico ca ci facia a sarsa.
A
me figghia Rosetta ci lassu a casa di Via Pisello, sarà ca sta carennu ‘terra,
ma so maritu fa u muraturi e a pò puru aggiustari.
A
mè figghiu Sarvatore, detto Turiddu, ci lassu u pezzu di terra in Contrada
Pirtusu a partiri da u stratuni finu o
primo peri r’alivu. U sacciu ca stu terrenu è picca ma chistu c’è e chistu ci
lassu.
All’avutru
mè figghiu Sarvatore, detto Sarvuccio, ci lassu n’avutru pezzu di terra in
Contrada Pirtusu a partiri da u terzu peri r’alivu fino o muru c’aggrizzò me
maritu Asparino cu so’ cucino Micheli. U
sacciu ca st’avutru terrenu è picca ma chistu c’è e chistu ci lassu.
A
casa di Via Cascavaddo unni stamu io e me maritu Asparino c’a lassu a tutti trì
i me figghi Rosetta, Sarvatore detto Turiddu e Sarvatore detto Sarvuccio, cu
l’oblico ri nun ghittari fuora ri rintra so patri Gasparino, ca ci lassai lo
sofrutto e aspittare pi fallu nesciri di rintra sulu quannu avi i peri ravanzi.
Si
muru vestuta ri rintra, prima c’attisu m’aviti a metteri a vesti ca mi cusivi pu u matrimonio ri me figghia Rosetta, si
chista vesta nun mi trase chiù lassatimi vestuta ri rintra ma vogghiu misu n’capo
u cappotto nivuro buonu ca mi cusivi pi i nozzi r’argentu, ca un savi a ddire
ca niscivi ri rintra cu i peri ravanzi e
malacommunita ‘nte robbe.
Si
quannu muoru me maritu Aasparino è ancora aggritta ci raccummannu a i me’
figghi ri fallu manciari e biviri na’ vuota
o iuornu. Tantu mancia e bive picca.
V’abbrazzu
e vi benedicu a tutti seppuru tutti a turnu fustivu fitienti e curnuti assai cu
mmia.
U
postu r’unni scrissi e u iuornu ri quannu scrissi sunnu cabbasisi miei)
Scrissi
e basta.
Uccello Rosa
Laura Mancuso
