Pasta col forno

Mia madre: oggi pasta col forno, ma prima haiu a truvari le anellette. Papà, sai dove sono le anellette? E me nonno surdu: le angiolette col forno? Statti mutu - trovate le anellette i mettu a vugghiri.

Io nun sugnu a santa r'iddi - da Rusulè purci e surci

Io a chisti ca si fanno l’acchianata ri Monte Pellegrino, a mità ci facissi scuppari i pietri r’incapu.

Io a chisti ca mi fanno i buotti pu fistino, a mità ci sparassi i buotti ri supra.

Ci mmilinassi i babbaluci.

Ci quariassi a birra atturrunata ca si vivuno grirannu w santa rusulia.

A facci mia.

Io un sugnu a santa r’iddi.

A sapillo ca finieva r’accussì, nun l’avissi livata la malatia tinta.

C’era ri farinni muoriri na para chiossà, u signuri m’havi a pirdunare pi sta mala pinsata.

I palermitani un sunnu tutti i stissi.

Ci sunnu chiddri ca si susinu a matina e acchiananu ncapo a un carro.

Chiddri ca vulissiru aggrizzari i chiova torti.

E chiddri ca puri ca nun l’aggrizzanu, mancu li tuorciunu.

Chisti sunnu tutti Rusulia.

Chisti si miritassiru u fistino.

E poi ci sunnu l’avutri, chiddri ca tutti i journa ngrasciano a città, chiddri ca stanno rarrieri a scrivania, chi taliano i liggi e piensano a comu futtiri i cristiani. Con i progetti, con le circonvallazioni, chi puonti ca scuoppano, con le banche giappunisi pi futtiri nuatri e i nuastri figghi.

Chisti sunnu pericolosi, perché si mettinu u mascaruni nta facci, per pariri brave persone.

E comu ti allisciano.. allisciano iddi, e vulissiru allisciari pure a mmia.

Ma io, pure ca sugnu santa, na vuota fuvu cristiana, e come i cristiani pisciava.

Io a iddi ci piasciassi in tiesta ogni jornu, pi farici scuppari stu mascaruni ca i fa pariri brave persone.

Buttani ri so matri,ca ciu vogghiu riri.

Iddi cunsumaru Palermo.

(Curò, mi facistivu addivintari arraggiata)

Ccà ci vulissi na rusulia pi ogni quartiere, e pi certi quartieri – i quartieri ri chiddi con la cravatta -, ci nni vulissiru quattru e cincu.

Una pi ogni strata e pi ogni cantuniera.

Una pi ogni casa.

Picchì nun ni l’hamu a scurdari ca i cchiù fitusi sunnu chiddi ca nun s’allordanu i manu.

Picciotte, puru ca nun vi chiamati Rusulia

puru ca siti Cuncietta, Nunzia, Mariuccia, Debora

susitivi e arriminamunni

ca speranza ri masculi, cca murieumu tutti

quanto vale na fimmina, nun  ci po’ un  esercito di surci.

Giorgio D'Amato - Collettivo AAS x Rusulè purci e surci

I succi di Paliemmu (da Rusulè di purci e di surci)

Trasinu rintra e si manciano a pasta ru to piatto

Ti lassanu riunu.

Chisti un sunnu succi ca si fannu i fatti sua.

Chisti sunnu succi ca ti lievano a vita.

N’anticchia sta jurnata e n’anticchia rumani.

Sunnu allafannati.

Hanno  panze senza funnu.

Manciano senza arrisiettu.

'mPaliemmu i succi c’hannu sempre statu, ma no cu ceitti scagghiuna.

Chisti chi scagghiuna sviluppati si sono foimmati ora.

Succi ca nun hannu cchiù i scuali vasci, sunnu succi cu titolo.

A scuola si insignano comu hannu a futtiri i cristiani.

E si specializzano, ricinu iddi.

Ci su chiddri ca nni capisciunu assai ri banchi, ri liggi. 

Sanno a gazzetta ufficiali a memoria.

da Collettivo AAS x S. Rosalia