Dottoressa Sinibaldi?

Chiedo scusa! Cerco la dottoressa Sinibaldi..ah, è lei?

Rusulè di succi e pucci

I succi ricchi misiru nto nsaccu  i succi poveri.

Chi mazzi i fierru iccaru nterra i nostri casi e la Palermo bedda, la Palermo felicissima addivintù siddiata

I succi di Paliemmu (da Rusulè di purci e di surci)

Trasinu rintra e si manciano a pasta ru to piatto

Ti lassanu riunu.

Chisti un sunnu succi ca si fannu i fatti sua.

Chisti sunnu succi ca ti lievano a vita.

N’anticchia sta jurnata e n’anticchia rumani.

Sunnu allafannati.

Hanno  panze senza funnu.

Manciano senza arrisiettu.

'mPaliemmu i succi c’hannu sempre statu, ma no cu ceitti scagghiuna.

Chisti chi scagghiuna sviluppati si sono foimmati ora.

Succi ca nun hannu cchiù i scuali vasci, sunnu succi cu titolo.

A scuola si insignano comu hannu a futtiri i cristiani.

E si specializzano, ricinu iddi.

Ci su chiddri ca nni capisciunu assai ri banchi, ri liggi. 

Sanno a gazzetta ufficiali a memoria.

da Collettivo AAS x S. Rosalia

Succi e pucci ra Baharia

Li  succi  nivuri  pigghiaru campu a Baharia, succi beddi pasciuti , ca parinu cunigghia, ca sunnu chini chini ri pucci ca un ti runanu risiettu ca t'arrusicanu li carni e t'infiettanu.

M'arricuardu  li beddi limiuna, chi ricchizza ca purtaru, ma li succi travagghiavanu "nsutta, e cuminciariu li "mbruagghi, cu scafazzu li succi si ficiru picciuli, senza scuttati cu sururi, ma sulu cu putiri! 

Io cuntu sulu chiddu  chi  pozzu sapiri, pi sintitu riri. 

Pucci e succi

(work in progress)

N’assaittaru.

Ni stanno infrariciennu i carni.

‘Un aviemu paci.

N’assaittaru i pucci.

Ca nuatri pinsavamu ca i succi si stanno nni so tani.

Iddi nni so tani.

E nuatri nte nostri casi.

Nuddu c’avia pinsatu ca i succi hanno i pucci.

E i pucci s’infilano puru ca i puorti ri casi sunnu chiusi.

Nni sintievamu tranquilli.

Pucci, succi e cristiani.

E nni vinni a tutti a rugna.

Rugna ca ammazza i cristiani.

I pucci ca si infilaru ri nuotti e nuotti.

Ri sutta a puorta.

Si  infilaru nte casi.

Puru ca i succi per non taliarli nni chiuievamu l’uocchi.

E uora semu infestati.

I succi ammiscano malatii, n’infittaru a tutti.

Giorgio D'Amato